شوفوا حالنا واتفرجوا

أعضاء المنتدى جميعا

السلام عليكم ورحمه الله وبركاته

معلش انا عارف انى داخل داخله شمال خالص من اول الموضوع

طبعا انا مش بقول حاجه الا وانا معايا الدليل

وقبل ما حد يضايق ويتكلم كملوا بس الموضوع للاخر الاول وبعدين نتكلم بعد كدا

تخيلوا ان جرنال الحزب الوطنى بتاعنا ودا جرنال الاهرام واحد اكبر الجرائد فى مصر بل وفى الشرق الاوسط

يفضل لمده 4 ايام يجيب فى صفحته الاولى يتكلم وينزل صور عن اخر اخبار تطورات هروب الحضرى

وتدخل على صفحه الرياضه بتاعته تلاقى صفحه بحالها عن الحضرى ومشاكله

تخش على صفحه تحقيقات تلاقى تحقيق عن هروب الحضرى

خش على الاهرام المسائى لحد النهارده العنوان الرئيسى ليه الحضرى قال الحضرى راح الحضرى جه

طب بلاش سيبك من الجرنال وتعالوا نولع فيه حتى

نفتح التليفزيون بيتكلموا عن الحضرى فى البيت بيتك وجايبين ناس ومدربين وحسن شحاته وفيلم وهيصه علشانه

اى قناه رياضيه مستضيفه الكابتن فلان والكابتن علان علشان يكشوا ملابسات هروب الحضرى

دا غير بقى الرسائل والكلام الفاضى اللى بيظهر على الشريط تحت اى قناه فضائيه

تطفى التلفزيون وتولع فيه هو كمان بالمره مع الجرنال

وتسيب بيتك واهلك وتنزل الشارع

الناس بتتكلم عن الحضرى واللى عمله .... طب روح اقعد على قهوه حتصدع من الكلام عن الحضرى

ياسلام خلاص ياجماعه للدرجه دى بقى الحضرى هو كل مشاكلنا وهو كل همنا

ايه خلصنا المشاكل خلاص

تيجى تقول للناس سيبكوا بقى من الهبل اللى انتوا فيه دا وشوفوا حال البلد الاول وبعدين بصوا على الحضرى وغيره يقولوا

لا ازاى ...
دا خاين...
دا دا عميل ...

دا اخد الجوايز والفلوس وهرب دا حرامى سرق البلد

ياسلام ياجدعان الوقتى بقى الحضرى هو اللى سارق البلد وناهبها

فضكوا بقى من الاوهام دى وبصوا على اللى اخد فلوس البلد وفك بيها

سيبكوا بقى من الاوهام دى وبصوا على اللى عايشين معانا وناهبين البلد واكلنها والعه

سيبكوا من الاوهام دى وبصوا على الاسعار اللى بقت فى الاحلام

ولا خلاص احنا حلينا كل مشاكلنا ومعدش غير الحضرى عمل ايه وراح فين وهو غلطان ولا لأ

عارفين
لما حصل موضوع الحضرى دا والهوجه دى افتكرت كلام كنت سمعته من ظابط قبل
كدا كان قال فى بلدنا دى لما بيعوزا يلهوا الناس عن حاجه بيعملوا حاجه
تانيه مكانها علشان الناس تتشغل بيها وتبعد ساعتها عن الحكومه

فاكرين فيلم الهروب بتاع احمد ذكى

واللى كانوا بيعملوه علشان يغطوا على احداث تانيه

اهو دا تقريبا اللى بيحصل معانا واحنا مش اخدين بالنا لدرجه انى كنت بهزر مع ناس قلتلهم تلاقى الحكومه هى اللى هربته على حسابها

للاسف مش عارف اقولكم ايه

اهو العيب فينا احنا الوقتى عاوزين بقى نصلحه ونفوق شويه من الاوهام اللى عايشين فيها دى

وبكره تقولوا زيكاس قال

ملحوظه
: كل ما بيذيد سعر طن الحديد الحاجه بتغلى على طول بعدها وانا كنت على طول
بقولكم على السعر الجديد وفى ساعتها الحاجه بتغلى اكتر واكتر
احب اقولكم النهارده السعر الجديد 5200 للطن يعنى فى يومين اهو ذاد 100 ج كمان

شوفوا انتوا بقى ايه اللى حيذيد بس ابقوا افتكروا كلامى دا

وابقوا ادعوا لاحمد بيه عز

ربنا يذيده كمان وكمان

ونولع احنا علشان هو يعيش ويتبسط

نولع احنا بس الحكومه ترتاح وتتبسط

اللهم بلغت اللهم فشهد

» شوفوا اجمل صور اليسا